Tsaro – ‘Yan bindiga sun kashe mutane 6 a Kaduna

‘Yan Bindiga sun kashe mutane shida a wani hari da suka kai kauyukan Zangon Kataf karamar a jihar Kaduna.

Kwamishinan tsaro da al’amuran cikin gida Samuel Aruwan ne ya bayyana hakan ta cikin sanarwar da ya fitar.

Aruwan ya ce, ‘yan bindigar sun shiga kauyukan Kurmin Masara da dajin Madauchi da Jankasa sai Unguwan rana.

Wani shaidar gani da ido a ya ce, ‘yan bindigar sun shiga kauyukan akan babura, tare da yin harbi kan mai-uwa-da-wabi da yayi sanadiyyar mutuwar mutanen, wanda kuma harin shi ne karo na hudu da aka kasa da wata daya.