Tsohuwar matar Nelson Mandela ta rasu

Tsohuwar mai dakin marigayi Nelson Mandela, wato Winnie Mandela ta rasu yau.

Winnie Mandela wadda ta auri marigayi Nelson Mandela lokacin da yake zaune a gidan kaso na tsibirin Robben ta rasu tana da shekaru tamanin da daya.

Wannan na kunshe ne a wata sanarwa da mataimakiyar ta, ta musamman Zodwa Zwane ta fitar yau litinin.

Sanarwar na zuwa ne kusan watanni uku kenan da aka samu labarin kai marigayiyar wani asibiti da ke Johannesburg, sakamakon matsalar ciwon koda da take fama da ita, inda daga nisani kuma iyalan ta suka sanar da samun lafiyar ta.

Har yanzu dai sanarwar bata bayyana dalilin mutuwar Winnie Nelson Mandela ba.