Turmutsitsi: Mutane 44 sun mutu a wajen bautar Yahudawa a kasar Isra’ila

Akalla mutane 44 ne suka rasa rayukansu ya yin da wasu da dama suka jikkata sakamakon wani turmutsitsi da ya faru a wajen bautar mabiya addinin yahudawa a kasar Isra’ila.

Rahotanni sun ce turmutsitsin ya faru ne da safiyar yau juma’a, a wani yanki da ke arewacin kasar wanda kuma tuni wasu mutane 150 suka samu munanan raunuka.

Shugaban hukumar ba da agajin gaggawa ta kasar Isra’ila David Adom, ya ce tuni aka garzaya da gawarwakin da kuma wadanda suka jikkatar zuwa asibiti

A tabakin mai magana da yawunsa Zaki Heller, cikin mutane 150 da suka jikkatar guda 6 suna halin rai kwakwai mutu kwakwai.

Firaministan kasar Isra’ila Benjamin Netanyahu ya bayyana lamarin a matsayin wani balahira da ya shafi kasar, inda ya yi addu’ar samun lafiya ga wadanda suka jikkata.