UEFA: Ta dakatar da mai tsaron ragar Ajax zuwa shekara daya

Hukumar kwallon kafa ta nahiyar turai UEFA ta dakatar da mai tsaron ragar kungiyar kwallon kafa ta Ajax Andre Onana daga buga wasanni tsawon shekara daya bisa zarginsa da amfani da kwayoyin kara kuzari.

Kungiyar ta Ajax ce ta bayyana hakan a cikin wata sanarwa da ta fitar inda ta ce Onana ya yi amfani da maganin da matarsa ke sha ne bisa kuskure lamarin da ya sanya aka samu alamar kwayoyin yayin gudanar da gwaji ga ‘yan wasa.

Ajax dai na fatan hukumar zata sassauta dakatarwar da tayi wa dan wasan na tsawon shekara daya duba da yadda lamarin ya faru bisa kuskure kuma kwayoyin bana karin kuzari ba ne.

Haka zalika kungiyar zata daukaka kara zuwa kotun hukunta laifukan wasanni wato CAS don kare mutuncin dan wasan.