NFF: Alloy Agu ya fara karbar albashin da yake bi

Mai horas da masu tsaron ragar Super Eagles Alloy Agu ya tabbatar da cewa hukumar kwallon kafa ta Najeriya ta fara biyanshi wasu daga cikin kudaden albashi na watannin 22 da yake bin hukumar.

Shugaban hukumar ne Amaju Pinnick ya yi alkawarin fara biyan wani kaso daga cikin kudaden da Alloy Agu da kuma Gernot Rohr suke bi a wannan lokacin.

NFF ta fara biyan albashin ma’aikatan dake bin ta bashi

Haka zalika a ranar Asabar da ta gabata Pinnick ya ce hukumar ta tura wa ma’aikatan wasu kudaden domin rage yawan bashin.

Pinnick ya kuma ce, “Babu wanda zai so a biyoshi bashi. Yanzu akwai karacin samun kudaden shiga a hukumar duba da yadda masu daukar nauyin hukumar basa iya biyan kudaden akan lokaci sakamakon matsin tattalin arziki sanadiyyar cutar Corona.”