Addini
Umara: Gurare biyu maniyyatan bana za su ziyarta a ƙasa mai tsarki – NAHCON
![](https://freedomradionig.com/wp-content/uploads/2021/08/NC.jpg)
Hukumar kula da aikin hajji ta ƙasa NAHCON ta ce, maniyyata aikin Umara a bana za su ziyarci gurare biyu ne kacal a ƙasar Saudiyya.
Hukumar ta ce, ga baƙi da suka samu damar shiga ƙasar don yin Umara, ya zama wajibi su yi biyayya ga dokokin da hukumomin ƙasar suka sanya na dakile yaduwar cutar corona.
Hajiya Fatima Usara, wadda ita ce mai magana da yawun hukumar ta bayyana hakan yayin zantawar ta da manema labarai.
Ta ce, guraren da ƙasar ta amince baƙi maniyyata aikin su ziyarta a bana, sune Rauda da kuma birnin Madina, kuma kowanne maniyyaci ba zai shiga ƙasar ba sai ya karbi rigakafin cutar corona.
You must be logged in to post a comment Login