Wa’adin mu na tafiya yajin aiki na dab da cika – JUHESU

Gamayyar kungiyoyin ma’aikatan lafiya ta ƙasa JUHESU sun yi kira ga gwamnatin tarayya da ta biya musu bukatun su kafin wa’adin tafiya yajin aikin su ya cika.

Wannan na cikin wata sanarwa da shugaban kungiyar JUHEHU na ƙasa Biobelemoye Josiah ya fitar.

Sanarwar ta bayyana cewa kamata yayi gwamnati ta dauki mataki, kafin tsayar da harkokin lafiya baki ɗaya a kasar nan, wanda wa’din da suka bayar na kwanaki 15 na dab da cika.

Ta cikin sanarwar ta buƙaci ma’aikatar lafiya da ta gaggauta fitar da sakamakon yarjejeniyar da suka cimma yayin tattaunawar da suka yi kan batun walwalar su, da na albashin ma’aikata.

Sai dai tuni ma’aikatar lafiya ta ƙasa ta bakin mai magana da yawun ta Charles Akpan ya bayyana cewa har yanzu ma’aikatar da ta karbi wata takardar bukatar su ba.