Wasanin kafafan yaɗa labarai: Freedom Radio ta fito a rukunin C

Hukumar wasanni ta jihar Kano ta ce, za ta ci gaba da bada goyon baya ga ƙungiyar marubuta labarin wasanni ta kasa reshan Jihar Kano SWAN.

Shugaban hukumar Alhaji Ibrahim Galadima ne ya bayyana haka a yayin taron fitar da jadawalin wasan gasar ƙwallon ƙafae kafafan yaɗa labarai na Jihar kano.

Alhaji Ibrahim Galadima
Galadima ya ce lokaci ya yi da kamfanoni za su sanya hannun jarinsu a ɓangaren wasanni.

A nasa jawabin shugaban kamfanin da zai ɗauki nauyin shirya gasar Dala Inland Dry port Alhaji Ahmad Rabiu ya ce sun shiga gasar ne da nufin bunƙasa harkokin wasannin.

Har ma ya yi kira ga sauran kamfanoni da su shigo harkokin wasanni don ganin an ƙara bunƙasa jihar kano.

A yayin fitar da jadawalin wasannin Freedom Radio ta fito a rukunin C.