Wasu ‘yan bindiga sun kashe malamin Jami’a a Abuja

Wasu ‘yan bindiga da har yanzu ba a ko waye ba sun hallaka wani malami a jami’ar tarayya ta Birnin Kebbi a jihar Kebbi Abdullahi Abubakar Dakingari.

‘Yan bindigar sun harbe shi ne a unguwar Life Camp Quarters da ke birnin tarayya Abuja da karfe 10:30 na daren llarabar da ta gabata, lokacin da ya je duba mahaifinsa da ke kwance a asibiti a Abuja.

Wani dan uwan mamacin mai suna Abubakar Mu’azu Dakingari ya shaidawa jaridar Daily Trust cewa marigayin ya rasu yana da shekaru 38, kuma ya bar mace guda da ‘da daya.

Tuni aka binne Abdullahi Abubakar a garin Dakingari kamar yadda addinin musulunci ta tanada.