Yadda Buhari ya karbi bakuncin Sarkin Kano a fadar sa

Shugaban kasa Muhammadu Buhari ya karbi bakuncin sarkin Kano Alhaji Aminu Ado Bayero da yammacin jiya Talata a fadarsa da ke birnin tarayya Abuja.

Hakan na cikin wata sanarwa da Mai taimakawa shugaban kasar kan harkokin daukar hoto Mista Sunday Aghaeze ya fitar da yammacin jiya.

Rahotonni sun bayyana cewa har kawo yanzu ba a kai ga sanin batutuwan da shugaban kasar da kuma mai martaba Aminu Ado Bayero suka tattauna ba.

Wannan dai ita ce ziyara ta farko da sarkin Kano Alhaji Aminu Ado Bayero ya kaiwa shugaban kasa Muhammadu Buhari a fadarsa bayan hawan sa kan karagar sarautar Kano.