Dalilan da suka sanya Ganduje ya rufe asibitoci masu zaman kan su a Kano

Hukumar kula cibiyoyin kiwon lafiya masu zaman kansu ta Jihar Kano, ta rufe wasu daga cikin wuraren kula da lafiyar al’umma sakamakon rashin bin ka’idojin da hukumar ta shimfida a makonnin biyu da suka gabata.

Babban sakataren hukumar Dr Usman Tijjani Aliyu ne ya bayyana hakan ya yin zantawarsa da manema labarai a yau Talata.
A cewar sa, hukumar ta lura da cewa cibiyoyin kula da lafiya masu zaman kansu ba su da kwawarun ma’aikata sannan suna gudanar da ayyukan su a harabar da ke cike da kazanta.

DR Usman ya kuma ce, za ta gurfanar da wadanda ta kama gaban kotu sannan ko ta ci su tara bisa rashin samun lasisi kafin bude wuraren na su.