Yadda Mambobin SSANU da NASU suka rufe ƙofar jami’ar Bayero

Mambobin ƙungiyar manyan ma’aikan Jami’a na reshen jami’ar Bayero ta Kano watau SSANU da NASU sun rufe ƙofar shiga Jami’ar da safiyar yau Laraba, sakamakon yajin aikin da suka tsunduma na kwanaki bakwai.

A cewar ƙungiyoyin yajin aikin na gargadi ne kan bukatar cika musu alkawarurrukan da gwamnatin tarayya ta yi.

Hakan na faruwa ne a daidai lokacin da daliban da ke rubuta jarrabawa suka yi cirko-cirko a kofar shiga Jami’ar sakamakon hana su shiga da da mambobin ƙungiyoyin suka yi.