Yadda ‘yan bindiga suka kashe wasu mutane a Kaduna

Gwamnatin Jihar Kaduna ta tabbatar da cewa wani harin ‘yan bindiga a kananan hukumomin Chikun da Giwa da kuma Igabi, ya yi sanadiyyar mutuwar mutane 4 ciki har da Dagacin kauyen Baranje na karamar hukumar Chikun.

Kwamishin tsaro da harkokin cikin gida Samuel Aruwan ne ya tabbatar da hakan ga manema labarai jiya a Kaduna.

Samuel Aruwan ya ce ‘yan bindigar sun kashe mutane 3ne a kananan hukumomin Chikun, inda kuma suka kashe wani guda daya a Unguwar Sada da ke karamar hukumar Giwa a daidai lokacin da suka yi yunkurin sace shi.