Kotu : Dalilan da ya sanya za’a mai da ‘yan matan dake rawar salo gaban iyayen su

Kotun shariar musulunci ta Ajingi , kar kashin mai sharia Malam Usman Haruna Tudun Wada, ta bada umarnin ma yarda wasu ‘yan mata dake rawar Solo biyu da aka kama gaban iyayensu saboda daya daga cikinsu na dauke da cutar HIV.

Wadanda ake zargin su da’yan asalin jihar Jigawa sun zo Kano ne domin yin Rawar Solo a wani killataccen guri a karamar hukumar Ajingi suna karbar Naira dari biyar ga duk wanda zai shiga don ya yi kallon  rawar badalar ta Solo.

Wadanda ake zargin sun hada da Bilyamin Haruna wanda shine ya yi musu jagoranci zuwa nan Kano domin su yi rawar Solo a karamar hukumar ta Ajingi sai Amina da kuma Sa’adatu.

An kuma karantowa wadanda ake zargi da laifukan da ake tuhumarsu sun kuma amsa, Inda mai sharia ya bada umarnin kai matan Asibiti domin a yi musu gwajin lafiyarsu nan take kuma Likita ya  tabbatar da cewa guda daga cikin ‘yan matan biyu na dauke da cutar kanjamau.

Wakilin mu Abdulkarim Muhd Tukuntawa ya ruwaito cewa  mai sharia Usman Haruna ya yankewa Bilyamin hukuncin daurin watanni biyu babu zabin tara a gidan gyaran Hali an kuma tsula masa bulala Hamsin nan take don ladabtar da shi.wwwww ccaw1qa1a