Yadda Zulum Ya sauke kwamishinan lafiya na jihar Borno

Gwaman jihar Borno Babagana Umara Zulum ya sauke kwamishinan lafiya na jihar Dakta Salihu Kwayabura daga mukaminsa a yau Talata, tare da bukatar shugaban ma’aikatan gwamnatin Farfesa Isa Hussani Marte ya kula da ma’aikatar.

wannan dai na cikin wata sanarwar da mai magana da yawun gwamnan Malam Isaha Gusau ya sanyawa hannu.

Sanarwar ta ce umarnin na gwamna Zulum na daga cikin matakan da suka dace na sake sauya fasalin ma’aikatar.

Gusau ya kuma ce, gwamna Zulum na nuna godiya ga Dakta Salihu Kwayabura kan irin gagarumar gudummawar da ya bayar wajen ci gaban bangaren kiwon lafiyar al’ummar Borno a cikin shekaru biyu da yayi yana jagorantar ma’aikatar.