Yajin Aiki: Gwamnatin tarayya ta gaza cimma matsaya da kungiyar likitoci masu neman kwarewa

Gwamnatin tarayya ta gaza cimma yarjejeniya tsakaninta da kungiyar likitoci masu neman kwarewa ta kasa NARD domin kawo karshen yajin aikin da suke yi.

Da yake yi wa manema labarai bayani bayan kammala zaman taron, shugaban kungiyar Dr. Uyilawa Okhuaihesuyi ya ce ya zuwa yanzu babu wata matsaya da kungiyar ta cimma da gwamnatin tarayya.

To sai dai ya ce za su ci gaba da tattaunawa a yau Talata 10 ga watan Augusta don samar da sulhu a tsakani.

Dr. Uyilawa ya ce yanzu haka kwamitin lafiya na majalisar wakilai yana gudanar da wani taro da ma’aikakatar lafiya da kuma wakilan kungiyar domin cimma matsaya.

Ya kuma ce gwamnatin tarayya na rokon su domin komawa bakin aiki.