‘Yan bindiga sun sako dalibai 32 na makarantar Bethel Baptist dake Kaduna

Yan bindigar da su kayi garkuwa da daliban makarantar Bethel Baptist dake karamar hukumar Chukun a jihar Kaduna sun sako dalibai 32 daga cikin dalibai 63 da suka rage a hannun su.

Sai dai har yanzu gwamnatin jihar ta Kaduna da jami’an ‘yan sandan jihar basu samar da sakin daliban ba.

Gidan Talabijin na Channels ya tabbatar da cewa daya daga cikin jagororin makarantar ta Bethel Baptist ya tabbatar mata da cewa an sako daliban.

A ranar 5 ga watan Yulin shekarar da muke ciki ta 2021 ne dai ‘yan bindigar suka kutsa cikin dakin kwanan daliban makarantar suka kuma tafi da dalibai 121.

Inda a ranar 25 ga watan Yulin ‘yan bindigar suka saki dalibai 28 bayan biyan kudun fansa.