Connect with us

Rahotonni

Rahoto : ‘Yan KAROTA na kwashe mana kaya da cin zarafin mu – ‘Yan kasuwar ‘Yankaba

Published

on

Daga Abdulkarim Muhammad Tukuntawa 

Masu gudanar da sana’ar sayar da kayan gwari a kasuwar ‘yan Kaba a nan Kano sun koka bisa yadda jami’an hukumar Karota ke shigowa kasuwar suna kwashe musu kaya tare da cin zarafinsu.

Wannan al’amari dai a cewar ‘yan kasuwar, yana ci musu tuwo a kwarya duk da cewa wajen da aka umarcesu su rika ajiye kayansu a nan su ke yi.

Da safiyar jiya Laraba ne rikici ya barke tsakanin jami’an hukumar kula da zirga-zirga ta jihar Kano KAROTA da wasu matasan ‘yan kasuwar sayar da kayan gwari dake ‘Yankaba bayan da jami’an Karota suka shigo kasuwar tare da kwashe kayayyaki, wadanda suka ce an zuba su a kan titi.

Ya mutsin dai ya durkusar da harkokin kasuwanci a kasuwar a jiya, inda ‘yan kasuwar suka zargi ‘yan KAROTA da kawo musu cikas a harkokinsu.

Umar Ibrahim shine shugaban kungiyar masu sayarda kayan gwari na jihar Kano, ya ce, abunda jami’an Karota su kayi a kasuwar yana kan doron doka kuma suna goyan bayan hakan kasancewar duk wanda ya karya doka doka zatayi aiki akansa.

Shugaban kungiyar Umar Ibrahim ya kuma nesanta ‘yan kasuwar da tayar da waccen rikici.

Munyi kokarin jin tabakin shugaban hukumar Karota ta Jihar Kano Baffa Babba Danagundi domin jin hanzarin hukumar amma hakan bai yiwuba kansancewar mun kiran shi a waya amma bai dauka ba kuma mun aike masa da sakon karta kwana amma kawo yanzu babu amsa.

‘Yan kasuwar sunyi kira ga gwamnan Kano Abdullahi Umar Ganduje da ya sanya baki don kawo karshen irin cin zarafin da jami’an hukumar Karota keyi musu.

Click to comment

You must be logged in to post a comment Login

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

Copyright © 2019. Freedom Radio Group. All Rights Reserved.

error: Content is protected !!