Connect with us

Labaran Kano

‘Yan kasuwa sunyi sulhu da barawon waya

Published

on

Jami’an kasuwar sayar da wayoyin hannu ta Beirut dake nan Kano sun cafke wani matashi mai suna Johnson sakamakon satar sabuwar wayar hannu da yayi a kasuwar.

Tun a jiya Asabar ne dai matashin wanda yazo tun daga garin Calabar na jihar Cross River ya fara zagaye sassan kasuwar.

Inda a yau kuma matashin ya aikata dabi’ar dan hali, har yayi awon gaba da wayar hannu, sai dai bayan da jami’an kasuwar suka cafke shi, ya sanar dasu cewa hakika ba da son ransa ya aikata wannan laifin ba, domin kuwa yana da wata cuta ce wadda da zarar ya ga kayi wasarerai da kayanka to zai yi awon gaba dashi.

Matashi Johnson kenan bayan da ya rubuta takardar neman afuwa.

Jami’in hurda da jama’a na kungiyar masu sayar da wayoyi na kasuwar ta Beirut Jamilu Malam Gama ya shaidawa Freedom Radio cewa mai laifin ya rubuta takarda da hannunsa kan abinda ya aikata, da kuma neman afuwa, a don haka suka sallameshi da sharadin ba zai kara aikata wannan laifi ba.

Sai dai Freedom Radio ta tuntubi kakakin rundunar ‘yansanda ta jihar Kano, DSP. Abdullahi Haruna Kiyawa inda ya bayyana mana cewa basu samun labarin faruwar wannan al’amari ba, kuma suna kira ga al’umma kan duk sanda irin wannan abu ya faru kuma ake da bukatar sulhu, to a tabbatar anyi shi a gaban hukuma, domin gudun abinda zaije yazo.

Allah ya kyauta.

Rubutu masu alaka:

Abinda yasa ‘yansanda suka cafke Sadiya Haruna

Yadda akayi auren mutu’a a Kannywood

An gano wanda ya fito a bidiyon da ake zargin Daurawa ne

Amarya ta haihu bayan wata hudu da Aure

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

Copyright © 2019. Freedom Radio Group. All Rights Reserved.

error: Content is protected !!