‘Yan Najeriya za su ci gajiyar aiki na wucin gadi na Buhari – Bankuna

Wasu daga cikin bankunan kasuwanci na kasar nan za su fara bude sabon asusun ajiya ga ‘yan Najeriya wadanda za su ci gajiyar aiki na wucin gadi na gwamnatin tarayya.

Tun farko dai gwamnati tarayya ta ce za ta dauki mutum dubu daidai a ne dukkannin kananan hukumomin kasar nan dari bakwai da saba’in da hudu.

A cikin wata sanarwa da daya daga cikin bankunan ya fitar a jiya litinin, sanarwar ta ce, za a fara bude sabon asusun ne daga ranar daya ga watan gobe na Satumba.

Haka zalika sanarwar ta kara da cewa, wadanda za a dauka aikin za su rika karbar albashi naira dubu ashirin-ashirin a duk wata.