Yan sanda a Kano sun kama masu kai wa yan bindiga man fetur

Rundunar yan sandan jihar Kano ta kama wasu mutum biyu da ta ke zargi da yiwa yan bindiga jigilar man fetur.

Mai magana da yawun rundunar DSP Abdullahi Haruna Kiyawa ne ya bayyana hakan ta cikin wata sanarwa da ya fitar a ranar Talata.

Kiyawa ya bayyana mutanen biyu da Musbahu Rabi’u mai shekara 31 da Jamilu Abdullahi mai shekara 37 kuma dukkanin su mazauna karamar hukumar Jibia ne a jihar Katsina.

A cewar sanarwar an kama su ne a cikin wata mota kirar J5 dauke da man fetur lita 25 da suka boye a cikin buhun sikari.