‘Yan Sanda a Zamfara sun ceto mutane 9 daga hannu masu garkuwa da mutane

Rundunar yan sanda a jihar Zamfara ta samu nasarar ceto mutane tara da masu garkuwa da mutane suka sace, tun a ranar 11 ga watan Afrilun da muke ciki a karamar hukumar Tsafe.

Mai magana da yawun rundunar CSP Muhammad Shehu ne ya tabbatar da hakan a Gusau babban birnin jihar, inda ya ce, an ceto mata bakwai da maza biyu daga hannun yan bindigar a jiya.

A cewarsa, ‘an samu nasarar ceto su ne, biyo bayan samun bayanan sirri da aka yin a wurin da yan bindigar suka boye su, kuma aka bi hanyoyin ceto su cikin nasara’.

CSP Muhammad Shehu ya kuma ce, ‘tuni aka aike da wadanda aka ceto din zuwa asibiti domin duba lafiyarsu, daga bisani kuma aka damka su a hannun iyalansu’.

Rahoton: Madeena Shehu Hausawa