‘Yan ta’adda sun hallaka mutane 8 a Katsina

Rundunar ƴan sandan jihar Katsina ta tabbatar da rasuwar mutane takwas a wani harin ‘yan bindiga.

Mai magana da yawun rundunar ƴan sandan jihar SP Isa Gambo shi ne ya tabbar da hakan ga Freedom Radio.

SP Gambo ya ce da misalin karfe shida na yamma ‘yan bindigar suka aukawa kauyen Ruwan Godiya a karamar hukumar Faskari, inda suka kashe mutane takwas tare da jikkata mutane da dama.

Yace Rundunar ‘yan sandan jihar da hadin gwiwar sauran jami’an tsaro na aiki tukuru don kawo karshen ayyukan ta’addanci a jihar.
SP Gambo Isah ya kuma koka kan karancin kayayyakin aiki, da kuma isassun ma’aikata don cimma nasarar da suke yi da ‘yan ta’adda.