‘Yan wasan PSG uku sun kamu da Coronavirus

Kungiyar kwallon kafa ta Paris Saint-Germain ta tabbatar da samun ‘yan wasan ta guda uku dauke da cutar COVID-19.

Kungiyar ta bayyana haka ne ta cikin wata sanarwa da ta fitar jim kadan bayan karbar sakamakon gwajin da a ka yi wa ‘yan wasan a yau Laraba.

PSG dai a yanzu haka ta na tunkarar wasan da za ta kara da Lens a ranar 10 ga wannan watan na Satumba da muke ciki a gasar Ligue 1 ta kasar Faransa.

Yayin da kungiyar ke tunanin za’a iya kara dage wasan na ta, duk da cewa an taba dage wasan a baya, domin kara ci gaba da gudanar da gwaje-gwajen ga ‘yan wasan na ta.