Labarai
Yanzu-yanzu: Ƴan bindiga sun sako attajirin da suka sace a Kano
![](https://freedomradionig.com/wp-content/uploads/2020/12/IMG-20201226-WA0003.jpg)
Rohotonni da ke fitowa yanzu-yanzu daga garin Minjibir na cewa ƴan bindiga sun sako attajirin nan Alhaji Abdullahi Bello Kalos da aka sace a garin Minjibir da ke nan Kano.
Wani makusancin attajirin ya shaida wa Freedom Radio cewa, Alhaji Abdullahi Kalos ya dawo da misalin ƙarfe 4 na asubahin yau Asabar, bayan ya shafe kwanaki uku a hannunsu.
‘Yan uwan Alhaji Abdullahi Kalos ne suka karbo shi a wani kauye da ke karamar hukumar Babura ta jihar Jigawa.
Jami’in hulda da ‘yan sandan Kano DSP. Abdullahi Haruna Kiyawa ya tabbatar da faruwar lamarin.
You must be logged in to post a comment Login