Yanzu-yanzu: Ƴan bindiga sun sako attajirin da suka sace a Kano

Rohotonni da ke fitowa yanzu-yanzu daga garin Minjibir na cewa ƴan bindiga sun sako attajirin nan Alhaji Abdullahi Bello Kalos da aka sace a garin Minjibir da ke nan Kano.

Wani makusancin attajirin ya shaida wa Freedom Radio cewa, Alhaji Abdullahi Kalos ya dawo da misalin ƙarfe 4 na asubahin yau Asabar, bayan ya shafe kwanaki uku a hannunsu.

‘Yan uwan Alhaji Abdullahi Kalos ne suka karbo shi a wani kauye da ke karamar hukumar Babura ta jihar Jigawa.

Jami’in hulda da ‘yan sandan Kano DSP. Abdullahi Haruna Kiyawa ya tabbatar da faruwar lamarin.