Yanzu-yanzu: An sauya lokacin jana’izar Mai Babban Ɗaki a gobe Litinin

KARIN BAYANI AKAN LOKACIN JANA’IZAR MAI BABBAN DAKI

Dangane da sanarwa data gabata a game da lokacin jana’izar marigayiya Mai Babban Dakin Kano, an sami karin bayani:

1. Saboda sha’anin tafiyar kasa da kasa a yanayin da ake ciki, an sami chanji lokacin isowar jirgin da yake dauke da marigayiyar, daga daren yau Lahadi zuwa gobe Litinin idan Allah Ya kaimu.
2. Saboda haka lokacin da za ayi sallar jana’izar shima ya chanja daga karfe goma sha daya na safe da aka sanar da farko, har sai wani lokaci a goben.
3. Da fatan Allah Yasa jinkirin alkhairi ne.
4. Allah Ya jikanta, Ya jikan magabatan mu, da kuma duk sauran Musulmi.
5. Za a sanar da sabon lokacin jana’izar idan an sake tantancewa.

(Sanarwa daga)
Abbas M. Dalhatu
‘Yan ‘Dakan Kano

A madadin: Madakin Kano