Kaso 24 cikin 100 na wadanda ke mutuwa sakamakon zazzabin cizon sauro ‘yan Najeriya ne

Kwamishinan lafiya na jihar Ogun Dr. Tomi Coker, ya ce, kashi 24 cikin dari na mutanen da ke mutuwa a duniya sanadiyar cutar zazzabin cizon sauro ‘yan Najeriya ne

Dr Coker ya bayyana hakan ne yayin wani taron manema labarai a garin Abeokuta babban birnin jihar ta Ogun a wani bangare na bikin ranar yaki da cutar zazzabin cizon sauro na duniya da ke gudana a ranar lahadi.

Ya ce wannan kididdiga ce da hukumar lafiya ta duniya (WHO) ta yi game da mace-macen da ke faruwa a duniya sanadiyar cutar malaria

Ya ce abu daya da za ayi don magance matsalar shine a ci gaba da raba gidajen sauro mai magani wanda zai taimaka gaya wajen kare mata masu juna biyu da kuma yara ‘yan kasa da shekaru 5.