Yanzu-yanzu: Buhari ya sanya hannu kan dokar kwarya-kwaryar karin kasafin kudin bana

Shugaban kasa Muhammadu Buhari ya sanya hannu kan dokar karin kwarya-kwaryar kasafin kudi ta 2021.

Kwarya-kwaryar kasafin da yawan su ya kai sama da naira biliyan dari tara da tamanin da biyu.

Babban mataimaki na musamman ga shugaban kasa kan al’amuran majalisar wakilai, Umar Ibrahim el-Yakub ne ya bayyana hakan ga manema labarai na fadar shugaban kasa.

El-Yakub, sabuwar dokar da aka sanyawa hannu za ta fi mayar da hankali kan samar da kudaden da za a inganta ayyukan tsaro da kuma harkokin kiwon lafiya.