Yanzu Yanzu: ‘Dan ‘Dahiru Mangal ya rasu sakamakon hatsarin babur

Daya daga cikin ‘ya’yan fitaccen attajirin nan da ke jihar Katsina Alhaji Dahiru Mangal wato Nura Dahiru Mangal ya rasu sanadiyar hatsari da ya yi a yau laraba 03 ga watan Maris.

Rahotanni sun ce Nura wanda ya ke da shaidar karatun Digiri na biyu wato Master Degree a jami’ar London ya rasu ne sanadiyar hatsarin da ya yi lokacin da ya ke tuka babur din tsere wato power bike akan hanyar Dutsinma zuwa Katsina.

Jaridar Solacebase ta ruwaito cewa, a gobe alhamis ake sa ran za a gudanar da jana’izarsa a gidan mahaifinsa da ke garin Katsina da misalin karfe goma na safe.