Yanzu-yanzu: Ganduje ya kori Salihu Yakasai

Gwamnan Kano Dr. Abdullahi Umar Ganduje ya kori mai taimaka masa kan yaɗa labarai Salihu Tanko Yakasai.

Hakan na cikin sanarwar da Kwamishinan yaɗa labarai na jiha Malam Muhammad Garba ya fitar.

Sanarwar ta ce, an ɗauki wannan mataki ne sakamakon ci gaba kausasan kalamai da ke haifar cece-kuce da ya ke kan Gwamnatin tarayya da jam’iyyar APC.

Hakan na zuwa ne kwana guda bayan da Salihu ya ce Gwamnatin APC ta gaza wajen samar da tsaro.

Dangin Salihun sun yi zargin hukumar tsaron farin kaya ta tsare Salihun tun a ranar juma’a, sai dai shugaban hukumar shiyyar Kano ya ce, ba shi da masaniya a kai.