Labarai
Yanzu-yanzu: Gwamnatin Kano ta naɗa sabon sarkin Gaya
![](https://freedomradionig.com/wp-content/uploads/2021/09/IMG-20210926-WA0018.jpg)
Gwamnatin jihar Kano ta naɗa sabon sarkin Gaya.
Gwamna Dakta Abdullahi Umar Ganduje ne ya Amince da naɗin Alhaji Aliyu Ibrahim Gaya a Matsayin Sabon Sarkin Gaya Mai daraja ta ɗaya.
Sakataren gwamnati kuma wazirin Gaya Alhaji Usman Alhaji ne ya sanar da naɗin a ranar Lahadi.
Amincewar hwamnan ta biyo bayan shawarar sunaye uku da masu naɗa sarki a masarautar suka gabatar kana daga baya aka amince da naɗin Alhaji Aliyu Ibrahim a matsayin sarkin na Gaya.
Wannan dai biyo bayan rasuwar Sarkin Gaya Alhaji Ibrahim Abdulƙadir a ranar Laraba bayan ya sha fama da rashin lafiya.
Tuni dai gwamnatin Kano ta yi addu’ar samun jagoranci na gari ga sabon sarkin cikin ayyukan da zai gudanar.
You must be logged in to post a comment Login