Yanzu-yanzu: Kwankwaso da Shekarau sun shiga ganawar sirri

An shiga ganawar sirri tsakanin tsohon Gwamna Kwankwaso da Sanata Malam Ibrahim Shekarau yanzu haka a gidansa da ke Munduɓawa.

Kwankwaso ya ziyarci Shekarau tare da muƙarrabansa da kuma ƴan jam’iyyar NNPP.

Kafin shiga tattaunawar sai da Kwankwaso da Shekarau suka gabatar da jawabai na nuna sun haɗu waje guda.

Daga bisani Malam Shekarau ya sanar da cewa za su yi ganawar sirri.

Magoya bayan tsoffin Gwamnonin biyu sun cika maƙil a gidan yayin da ake shirin taron karɓar Shekarau a NNPP gobe Laraba.