Yau Shugaba Buhari zai yi jawabi a zauren Majalisar Ɗinkin Duniya

A Yau juma’a ne shugaban ƙasa Muhammadu Buhari zai yi jawabi a zauren taron majalisar dinkin duniya karo na 76 da ake gudanarwa a birnin New York na ƙasar Amurka.

Shugaba Buhari zai yi jawabin na sa ne da misalin ƙarfe 2 rana, mai taken ‘zauren da kuma ƙalubalen da suka addabi duniya.

Ana sa ran wasu shuwagabinin ƙasashen za su gabatar da na su jawabin da suka haɗar da shugaban Jamhuriyar Benin, da na Sudan da senegal da kuma Jamus da Gambia da dai sauransu.

kafin gabatar da Jawabin shugaban ƙasa Muhammadu Buhari ya gana da wasu shugabanin ƙasashen duniya ciki har da shugaban kasar Burundi, da Shugabar kungiyar kasuwanci ta duniya, Ngozi Okonjo-Iweala.