Wadanda suka nemi N-Power sun kai miliyan 4

Hukumar dake kula da ayyukan jin kai da kare Annoba ta kasa ta ce shafin ta na Internet da matasa sa za su nemi aikin yi na N-POWER kawo yanzu yawan wadanda suka nemi aikin ya fiye da miliyan 4.

Ministan Hajiya Sadiya Farouq ce ta sanar da hakan a shafin hukumar na twitter a daren jiya Lahadi.

Sanarwar ta kara da cewa ‘’Ni da abokan aiki na muna cigaba da kokarin muna tuntubar masu ruwa da tsaki don tabbatatar shirin ya samu nasara , bayan da aka kwashe kwanaki 16 da bude shafin ya zuwa yanzu masu sha’awar neman aiki a karkashin shirin ya kai miliyan 4.48”

Ma’aikatar dai ta bude shafin ta a ranar 26 ga watan Yunin da ya gabata.