Connect with us

Labarai

Yemin Osinbajo ya ce ba daidai bane yadda ake siyasantar da batun makiyaya da manona a kasar nan

Published

on

Mataimakin shugaban kasa farfesa Yemi Osinbajo, ya ce; ba daidai bane wasu su rika siyasantar da batun rikice-rikicen da ke tsakanin makiyaya da manoma a kasar nan.

 

Farfesa Yemi Osinbajo, ya bayyana hakan ne yayin wani taron addu’a domin tunawa da ranar mazan jiya ta bana wanda aka gudanar a cibiyar kiristoci ta kasa da ke Abuja.

 

Ya ce, duba da irin kashe-kashe da ke abkuwa tsakanin makiyaya da manoma a baya-bayan nan, ya sanya shugaban kasa Muhammadu Buhari umurtar jami’an tsaro na sojoji da ‘yan-sanda da su kara kaimi wajen shawo kan matsalar.

 

A cewar sa, ka da al’ummar kasar nan su yarda su kuma fadawa tarkon ‘yan-siyasa da masu ci da addini wadanda suka siyasantar da batun rikicin Boko-Haram a shekarun baya.

 

Mataimakin shugaban kasar ya kara da cewa lokaci yayi da ‘yan Najeriya za su rika aiki tare domin magance matsalar tsaro, yana mai cewar, ba daidai bane al’ummar kasar nan su rika bari ‘yan-siyasa suna amfani da su domin biyan bukatun kansu.

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

error: Content is protected !!