YUMSUK ta ƙara wa’adin rubuta jarrabawar ɗalibai a gobe

Jami’ar Yusuf Maitama Sule da ke nan Kano ta dakatar da dukkan jarrabawar da ɗalibai za su rubuta a yau, da kuma wadda za a rubuta da ƙarfe 8 na safiyar gobe talata.

To sai dai ta ce a jarrabawar gobe talata ta ƙarfe 11:30 na safe zuwa ƙarfe 2:30 da kuma ta ƙarfe 3 na rana zuwa ƙarfe na yamma tana nan daram kamar yadda aka tsara.

Wata sanarwa da shugaban sashen yaɗa labarai na jami’ar Abdullahi Abba Hassan ya fitar yau, ta ce jami’ar ta amince da samar da motocin bas-bas domin ɗaukar ɗalibai daga wasu wuraren domin kai su makaranta tare da mayar da su.

Sanarwar ta ƙara da cewa nan gaba kaɗan za ta sanar da lokacin rubuta jarrabawar da aka ɗage.