Za mu amince da kasafin 2022 ba da jimawa ba – Ahmad Lawal

Majalisar dattijai ta ce, za ta amince da kasafin ƙudin 2022 kafin ƙarshen shekarar 2021.

Shugaban majalisar Sanata Ahmad Lawan ne ya bayyana hakan a jawabin da ya gabatar kafin shugaba Buhari ya gabatar da kasafin ƙudin 2022 a zauren majalisar dokokin ƙasar nan.

Ahmad Lawan ya ce, majalisa za ta yi aiki tuƙuru wajen ganin an fara aiki da sabon kasafin ƙudin a shekara mai kamawa ta 2022.

A ranar Alhamis ne shugaban ƙasa Muhammadu Buhari ya gabatar da kasafin shekarar baɗi a gaban zauren majalisun ƙasar nan.

Kasafin kuɗin dai ya kai tiriliyan 16 da biliyan 39, kuma za a ciyo bashi domin cike giɓin kasafin.