Za mu baza jami’an mu don taya tsaftar muhalli – FRSC

Hukumar kiyaye abkuwar haddura ta kasa FRSC ta ce za ta baza jami’anta a ranakun tsaftar muhalli don yaki da masu karya doka.

Babban kwamandan hukumar anan Kano Zubairu Mato ne ya bayyana hakan lokacin da yake karbar tawagar tsaftar muhalli na karshen wata.

Ya ce, suna sane da yadda wasu mutanen ke karya dokar tsaftar muhalli ta hanyar ci gaba da zirga-zirgarsu ta yau da kullum akan titina a don haka hukumar zata shiga cikin lamarin.

Zubairu Mato Wanda ya samu wakilcin shugaban sashin kula da tsaftar hukumar da da’ar ma’aikata Ali Ahmad Umar.

A ziyarar tsaftar muhalli ta wannan rana, kwamishinan muhalli Dakta Kabiru Ibrahim Getso ya yabawa hukumar ta FRSC bisa yadda suka tsaftace ciki da wajen ta.