Za mu ceto ɗaliban Bakura nan ba da jimawa ba – Gwamna Matawalle

Gwamnatin jihar Zamfara ta alƙawarta ceto ɗaliban kwalejin aikin noma da ilimin dabbobi ta Bakura da ƴan bindiga suka sace a baya-bayan nan.

Gwamna Muhammad Bello Matawalle ne ya tabbatar da hakan ta cikin wata sanarwa da mai magana da yawun sa Yusuf Gusau ya fitar.

Tun da fari dai gwamnatin jihar ta tabbatar da sace daliban makarantar su 15 tare da ma’aikata 4 tun a ranar Lahadin da ta gabata.

Ƴan bindiga sun hallaka wani magidanci da ƴaƴansa a Zamfara

A cewar Matawalle tuni gwamnatin jihar ta samar da tsaro a makarantun jihar tun bayan sace ɗaliban sakandiren ƴan mata ta Jangebe, kuma za ta ci gaba da tabbatar da tsaro don kiyaye faruwar hakan a gaba.