Za mu ci gaba da zanga-zanga har sai gwamnati ta magance ta’addanci- Arewa Mu farka

Kungiyar Arewa Mu farka, ta sha alwashin ci gaba da gudanar da zanga-zangar lumana har sai Gwamnatin Tarayya ta dauki matakin da ya kamata game da satar mutane da Dalibai tare da shawo kan matsalar tsaro dake damun yankin Arewacin Nijeriya.

Shugaban kungiyar Sharfaddin Bature, ne ya bayyana hakan yayi wata zanga-zanga da suka gudanar yau Litinin a jihar Kano.

Ya kuma Kara da cewar akwai rashin kishi daga yansiyasar dake wakiltar yankin Arewa a majalisu da sauran hukumomi da ma’aikatun Gwamnatin Tarayya Shi yasa Gwamnati har yanzu bata dauki matakin kawo kareshen matsalolin ba.

Matasan na kungiyar Arewa mufarka sun cigaba da gudanar da tatakin zuwa wasu sasan na birnin Kano da nufin nuna takaicin su Kan abubuwan dake faruwa na rashin tsaro a yankin na Arewa.

Rahoton: Abba Isah Muhammad