Za mu farfaɗo da alaƙar mu da ƙasar Pakistan – Ganduje

Gwamnatin jihar Kano za ta farfaɗo da alaƙar da ke tsakanin ta da Pakistan.

Dawo da alaƙar za ta mayar da hankali wajen inganta fannin ilimi da Noma

Gwamna Dakta Abdullahi Umar Ganduje ya bayyana hakan, lokacin da ya karɓi baƙuncin jakadan ƙasar Pakistan a Najeria.

Ganduje wanda mataimakin sa Nasir Yusuf Gawuna ya wakilta ya ce “Dama can a baya malamai da ga ƙasar Pakistan na koyarwa a makarantun Kano, don haka farfaɗo da wannan alaƙa zai ƙara kawo ci gaba da dama”.

A ziyarar ta jakadan Pakistan a Najeriya ya samu rakiyar ƴan Pakistan mazauna jihar Kano Kano.