Za mu gyara sansanonin ƴan gudun hijira – Gwamna Matawalle

Gwamnatin jihar Zamfara ta ce, za ta yi hadin gwiwa da hukumar kula da ‘yan gudun hijra wajen gyaran sansanonin su a jihar.

Mai magana da yawun gwamnan jihar Alhaji Yusuf Idris ne ya bayyana hakan, ta cikin wata sanarwa da ya fitar a Gusau.

Sanarwar ta bayyana cewa, gwamna matawalle yayi wannan jawabi lokaci da ya karbi bakuncin shugabar hukumar kula da ‘yan gudun hijra Hajiya Iman Suleiman a fadar gwamnatin jihar.

Gwamna Matawalle ya jadda aniyarsa na yin hadin gwiwa da hukumar, wajen gyara guraren da suka lalace karkashin ma’aikatar jin kai da kare abkuwar ibtila’i ta jihar, don fitar da al’umma daga cikin halin da suke ciki fargaba.