Za’a kammala aikin shimfida layin dogo daga Legas zuwa badan kan Dala biliyan $ 1.6bn

Ministan Sufuri, Rotimi Amaechi, ya ce, za a kammala aikin titin jirgin kasa na Legas zuwa Ibadan wanda zai ci $ 1.6bn a watan Disambar bana ko kuma farkon Janairun sabuwar shekarar 2021.

Amaechi, ya bayyana hakan ne ya yin wani shirin talabijin kai tsaye daya gudanar a jiya Alhamis a birnin tarayya Abuja, da ya hada da Ministan Ayyuka da Gidaje, Babatunde Fashola.

Ya kuma ce zai yi aiki tare da Fashola da Gwamnatin Jihar Legas don kwashe manyan motocin daukar kaya daga kan tituna.

Da yake mayar da martani, Ministan Sufurin ya ce abin da takwaransa na ma’aikatar ayyuka da Gidaje ya bayyana dai-dai ne na hada gwiwa da Fashola da Jihar Legas don kara inganta harkar sufuri.

Amaechi ya ce a don haka za’a kammala aikin titin jirgin kasar a watan Disamba ko kuma farkon Janairun badi.