Za’a mangance matsalar ruwan sha a Sokoto

Gwamnatin jihar Sokoto tare da hadin gwiwar Bankin duniya da gwamnatin tarayya sun bada aikin kwangila na samar da tsaftacen ruwan sha a waje da cikin kwaryar birnin jihar.

Mai rikon mukamin babban manajan a ma’aikatar ruwan sha na jihar Sama’ila Sanda ya bayyana hakan a ya yin bikin kaddamar da aikin.

Sama’ila Sanda ya bayyana cewar daga cikin ayyukan da za’a yi wajen samar da ruwan shan akwai sake gina madatsun ruwa da gina fanfon tuka-tuka a yankin Boda dake jihar ta Sokoto.

Ka zalika mai rikon mukamin babban manajan hukumar ya ce idan an kammala aikin samar da ruwan shan zai bunkasa ayyukan a’lummar yankin Bado da Kasarawa da ma sassa jihar baki daya.

Ya kuma shawarci dan kwangilar da ya kammala aikin akan lokaci da kuma aiki mai inganci.