Majalisar Dokokin Kano ta umarci sabbin wakilai su gabatar mata da shaidar cin zabensu

Majalisar dokokin a jihar Kano ta bukaci Zababbun ‘Yan Majalisun jihar da hukumar INEC ta baiwa shedar cin zabe, da su gabatar shedar tasu ga ofishin Akawun majalisar farawa daga yau Alhamis 30 ga watan Maris.

Akawun majalisar Alhaji Garba Bako Gezawa ne yayi wannan kiran ta cikin sanarwar da sakataren yada labaran majalisar Uba Abdullahi ya fitar, aka rabawa manema labarai.

Bako Gezawa ya kuma taya zababbun ‘Yan Majalisun jihar masu jiran gado murnar lashe zaben, tare da yi musu fatan alkhairi.

Rahoton:Ahmad Kabo Idris