Zafin Kishi: Uwargida ta sara kan kishiyarta da adda

Gwamnatin Kano ta gurfanar da wata mata mai suna Fatima Ɗahiru mazauniyar Hotoro a babbar kotun jiha mai lamba biyu da ke sakatariyar Audu Baƙo, ƙarƙashin mai shari’a Aisha Rabi’u Ɗanlami.

Ana zargin Fatiman da sarawa kishiyarta adda a tsakiyar ka, inda kanta ya rabe gida biyu, lamarin da yayi sanadiyyar rasa ranta.

Yayin zaman kotun na ranar Alhamis wadda ake zargin ta musanta.

Sai dai lauyan gwamnati Barista Lamiɗo Abba Soronɗinki ya gabatar da shaidu huɗu, sai dai kotu ba ta ƙarɓi shaidun ba, saboda lauyan da ke kare matar ya rasu.

Kotun ta ɗage sauraron shari’ar har zuwa ranar 13 ga watan Janairu mai kamawa.