Zamu baiwa ma’aikata horo kan aikin hajji – NAHCON

Hukumar kula da aikin hajji ta kasa NAHCON ta Bayyana cewa zata bayar da horo ga ma’aikatan dake hukumar jin dadin alhazai na jihohin kasar nan.

Hakan na cikin wata sanarwar da mai magana da yawun hukumar Fatima Usara ta fitar mai dauke da sa hannun shugaban hukumar na kasa Zikirullah Hassan.

Ta cikin sanarwar ta bayyana cewa hakan ya biyo bayan kokarin da hukumar take yi wajen ganin an inganta al’amuran aikin hajji a kasar nan.

Zikirullah Hassan ya kara da cewa tuni shirye shirye suka yi nisa don fara baiwa ma’aikatan hukumar kula da aikin hajj ta kasa horo.