Zamu binciki musabbabin hauhawar kayan masarufi a Najeriya-majalisa

Majalisar wakilai ta ce za ta binciki musabbabin hauhawar kayan abinci a kasar.

Dan majalisa daga jihar Ogun Adekunle Isiaka, ne ya gabatar da bukatar hakan yayin zaman majalisar na ranar Laraba 29 ga watan Satumbar 2021.

Ya ce “mafi yawan al’ummar kasar nan ba sa iya sayen abincin da za su ci a rana, sabo da tsadar da kayan abinci dana gas sukayi a kasar nan”.

Adekunle Isiaka, ya kuma bukaci Shugaban majalisar Femi Gbajabiamila da ya kafa kwamitin na musamman da zai binciko inda matsalar take, kafin tafi karfin magancewa.