Zamu dawo da wuraren shaƙatawa a Kano – Ganduje

Gwamnatin jihar Kano ta ce za ta dawo da martabar wuraren shaƙatawa domin su riƙa gogayya dana ƙasashen ƙetare.

Daraktan hukumar ƙawata birnin Kano Abdallah Tahir Ahmad ne ya bayyana hakan.

Ya ce, hukumarsa zata haɗa kai da masu sayar da filawoyi a kan titi domin ƙara ƙawata birnin Kano.

Abdallah Tahir ya ce, a ƙoƙarin da su ke yi na ƙawata Kanon, su na aiki da sauran hukumomi waɗanda suka haɗa da KAROTA da hukumar kwashe shara.

Sannan ya ce, nan gaba kaɗan za su ɗauki ma’aikata 150 waɗanda za su riƙa sanya idanu kan wuraren da gwamnati ta ƙawata.